Sguard 2016
  

La cantadura Christina Jaccard ed pianist Dave Ruosch empleneschan ils cors cun lur conzert da nadal 2016.

 

Cun spiritualitat, forza emoziunala, in profunda aviartadad ed cun plascher dalla veta, arva Christina Jaccard il origin dil gospel ed seligia carstgauns da tuttas generaziuns in cun l’auter.

 

Bildschirmfoto 2016-11-19 um 18.14.04.jpg [6 KB]
 
 Flyer 2016.pdf

www.voicejaccard.ch.


Daten Gospel Tour 2016

 
 IMG_3544.JPG [10 KB] IMG_3547.JPG [9 KB]IMG_3549.JPG [8 KB]
   
IMG_3552.JPG [8 KB]IMG_3559.JPG [10 KB]
IMG_3558.JPG [9 KB]
   
IMG_3543.JPG [10 KB]  
   

 

Rapport dalla suprastonza

Siat, advent 2016

        

Cars commembers dall’uniun Pro Siat

 

Strusch da crer ch’il temps d’advent ei gia arrivaus, e danovamein in onn che va alla fin.

 

Retrospectiva

Il contuorn da Tuf ei vegnius frequentaus fetg bein. Igl ei legreivel da veser co il curtgin da reiver, la plazza da giug, il plaz da ballapei e la fueina vegnan duvrai ed appreziai, surtut da famiglias.

Nus essan sespruai da tener en in bien stan igl entir areal. Quei havein nus fatg la primavera cun in di da lavur cumina. Duront la stad ein voluntaris ed ils luvrers da vischnaunca segidai. Cordial engraziament persuenter!

 

Loipa a Siat

“Quei fussi! Ina loipa per far cuorsa liunga avon casa!”

Cun quella idea ei Arno Spescha ei vegnius tier la suprastonza. El ei vegnius cun l’iniziativa e vul realisar quella idea ensemen cun entgins collegas. La suprastonza beneventa la motivaziun da far enzatgei per dar veta a Siat era duront igl unviern. Perquei ha ella decidiu da sustener quei project. Sco emprem essan nus sedrizzai alla vischnaunca ed agl uffeci d’uaul e prighels dalla natira.

Sin fundament d’in project da pilot vulan ils iniziants rimnar experientschas e mirar tgei ch’ei munta da vuler mantener ina loipa duront in entir unviern.

L’uniun Pro Siat ha empristau ils daners per cumprar ina schliusa a motor d’occasiun. Cun quella schliusa, dabia senn per improvisaziun e surtut lavur voluntaria vulan ils iniziants ussa realisar l’idea. Grazia alla neiv ch’ei vegnida uonn gia baul il november han ins gia saviu far cuorsa liunga sin Tuf!

Malgrad tutta motivaziun ed engaschi voluntari caschuna igl entir project era entgins cuosts. Tgi che sa medemamein sescaldar per quella idea, astga bugen sustener ella finanzialmein ni era autruisa, p.ex. cun segidar a far loipa. Ils iniziants selegran scadin cass da mintga sustegn.

 

Donaziuns culla remarca “Loipa” san vegnir pagadas sil suandont conto:

Banca Raiffeisen Surselva, CH07 8107 3000 0045 9180 3, Pro Siat, 7157 Siat.

Cordial engraziament gia ordavon!

 

Ulteriuras informaziuns tiel project “Loipa a Siat” vegnan publicadas en cuort sin nossa pagina d’internet (www.prosiat.ch).

 

Concert da gospel a Siat

Avon ch’igl onn mondi a fin ha puspei liug en baselgia Sogn Flurin il concert da Nadal.

Suenter il grond success digl onn vargau eisi gartegiau a Gaby Schaub  d’engaschar aunc inaga ils medems artists per quei concert. A caschun da lur program dad uonn “What can I give” (“Tgei sai jeu dar”) delecteschan Christina Jaccard e Dave Ruosch pia danovamein nus cun lur canzuns. Bugen seregurdein nus dalla baselgia fullanada digl onn vargau e selegrein gia ussa dall’occurrenza che ha liug

gliendisdis, ils 26 da december 2016 allas 17.00 en baselgia s.Flurin.

 

Dapli informaziuns tiel concert e tiels artists ein d’anflar el fegl sgulont aschuntau ni silla pagina d’internet www.voicejaccard.ch.

 

Nus selegrein dad ina gronda participaziun. Motivei Vos confamigliars ed amitgs. L’entrada per carschi cuosta 25 francs, e per affons entochen 16 onns (<16) eis ella gratuita.

 

Cudisch “Siat – accents ord la historia d’in vitget muntagnard”

Sche nus essan gest vid Nadal lein nus aunc dar in’idea per tut quels ch’enqueran forsa aunc in schenghetg adattau: L’uniun posseda aunc entgins exemplars dil cudisch “Siat – accents ord la historia d’in vitget muntagnard”.

 

Apéro da Daniev

Bugen envidein nus Vus e Vossa famiglia, tut ils habitonts da Siat e tut ils hosps da vacanzas a nies apéro da Daniev tradiziunal. Quel ha liug

dumengia, igl 1. da schaner 2017 allas 16.00-18.00 ell’Ustria Steila.

 

Radunonza generala 2017

La radunonza generala ha liug sonda, ils 18 da mars 2017 en Casa Sentupada. Nus supplichein da gia ussa reservar quei datum.

 

Nus engraziein a tut nos commembers, alla vischnaunca da Glion ed a nos donaturs e sponsurs per la beinvuglientscha demussada duront igl onn partent e selegrein da veser Vus a caschun dil concert da Nadal ni da far in viva sigl onn niev.

Nus giavischein in bi temps d’advent e bialas Fiastas da Nadal

 

Pius Derungs, president Pro Siat

 


 

 

11. zercladur. 2016

Buna lavur cumina

Plaza da giug e curtgin da reiver ein puspei semtgai

   
thumb_IMG_3020_1024.jpg [10 KB]
thumb_IMG_3019_1024.jpg [8 KB]
 thumb_IMG_3010_1024.jpg [9 KB]
   
 thumb_IMG_3018_1024.jpg [10 KB]thumb_IMG_3017_1024.jpg [10 KB]
thumb_IMG_3014_1024.jpg [10 KB]
  
 
 thumb_IMG_2999_1024.jpg [9 KB]thumb_IMG_2997_1024.jpg [10 KB]
thumb_IMG_2995_1024.jpg [10 KB]
   
thumb_IMG_2996_1024.jpg [8 KB]
thumb_IMG_2998_1024.jpg [9 KB] 
   
thumb_IMG_3015_1024.jpg [9 KB]
thumb_IMG_3016_1024.jpg [11 KB]
thumb_IMG_3013_1024.jpg [8 KB]
   

 

Siat – Accents ord la historia d’in vitget en Surselva
All’entschatta tschintschavan nus aunc dad in cudischet, uss ha ei dau ordlunder in cudisch da varga 160 paginas e numerusas fotografias historicas da Siat. L’ovra scretta da Simon Bundi e Pirmin Spescha ei vegnida edida el decuors dil meins december. 

 

  
Reportascha Bündner Tagblatt
 Zeitungsbericht 1.pdf
  Zeitungsbericht 2.pdf
  


 Cover_low.jpg [8 KB]

 

 
Quei cudisch sa vegnir retratgs els suandonts loghens
Stizun dil vitg, Volg Siat

Ustria Steila

 Siat

Arca da Siat

 Siat

Papeteria Maggi

 Glion
Papeteria Negozi Glion marcau vegl
Papeteria Schuler
 Cuera
Adelina Spescha
 Siat, mo per commembers dalla Pro Siat

Adressa  Pro Siat
 Via Clis 6
 CH-7157 Siat


Nos sponsurs
 
Impressum | Datenschutz | Vus essas cheu: Archiv » 2016