Sguard 2014
  

 

Rapport dalla suprastonza Siat, advent 2014

Cars commembers dalla Pro Siat

 

Historia da Siat
Nies project da scriver la historia da Siat ei sin buna via. ll sboz ei screts, e la gronda part dallas fotografias e dils maletgs ei semtgada. ll proxim pass ei da tschentar ensemen il cudisch e da segirar la finanziaziun. Ei legra nus zun fetg che nies commember e cusseglier guvernativ dr. Mario Cavigelli ei sedeclaraus promts da scriver in plaid sin via per quell'ovra.

 

Curtgin da reiver
Finiziun anetga dalla stagiun da reiver el curtgin da reiver. Nies curtgin da reiver ei era uonn puspei vegnius frequentaus stediamein. La Pro Juventute Val Lumnezia ha menau atras in cuors da reiver en connex cul pass da vacanzas. Era il cuors da reiver per famiglias che ha giu liug ils 7 da zercladur ha giu ina buna participaziun. La stagiun da reiver ha la finfinala priu ina fin anetga. Duront il ferm stemprau dall'entschatta november ein rodund trenta pegns sederschs, aschia ch'il curtgin da reiver ha stuiu vegnir serraus ord motivs da segirtad. lgl uffeci forestal vegn a rumir la lenna el decuors dallas proximas jamnas, aschia ch'il curtgin da reiver sa puspei vegnir aviarts la primavera che vegn.

 

Plaza da giug e da grillar
La purschida sin Tuf che consista dil plaz da ballapei, dil plaz da giug e da grillar, dil curtgin da reiver e dalla Friberga ei ina cumbinaziun ideala per famiglias. Strusch in di da bial'aura che Tuf vegn buca frequentaus dad indigens ni jasters!

 

Agrischa 2011 a Glion
Suenter siu accident vid nossa preit da reiver mobila veva l'alpinista Evelyne Binsack intendiu in procediment penal encunter treis da nos commembers. lgl atun da quei onn han ins finalmein saviu secunvegnir. Nossa assicuranza ha anflau ina sligiaziun ensemen cun dunna Binsack, denton senza sclarir la damonda dalla responsabladad. Nus essan cuntents ch'il cass ha priu ina buna finiziun per nos commembers e per noss'uniun. Medemamein essan nus leds dad haver cull'AXA/Wnterthur in ferm partenari che sustegn nus.

 

Occurenza da reiver cun Roger Schäli ils 15 da november 2014
L'occurenza da reiver, organisada da Marcus Michel dalla fatschenta da sport Michel a Trun e dalla marca da sport da muntogna Salewa, ei stada visitada bein. Buca meins che 26 affons han giu grond plascher dad astgar reiver ensemen cugl enconuschent alpinist e guid da muntogna Roger Schäli (www.rogerschaeli.ch). Cun siu referat alla finiziun dil suentermiezdi ha el incantau giuven e vegl. Roger Schäli ha referiu a moda autentica davart sias expediziuns el Yosemite, el Himalaya ed a Grönland. ln bien maletg da quellas aventuras dattan ses films, specialmein il film cul tetel "loslassen", il qual sa era vegnir miraus online (loslassen-film.com).

 

Concert da Nadal a Siat
Pil concert da Nadal dad uonn havein nus saviu engaschar in trio digl orchester Tonhalle da Turitg. ll concert ha liug
dumengia, ils 28 da december 2014 allas 17.00 en baselgia S. Flurin

 

ll cellist Benjamin Nyffenegger vegn accumpignaus dil violinist Peter McGuire e da Christopher Morris Whiting alla viola. Tut ils treis musicants ein excellents interprets da renum internaziunal. Nus astgein selegrar dad in program musical variont e dad aulta qualitad. Ulteriuras informaziuns ein da veser sil fegl accumpignont (Remarca: Per motivs pratics e finanzials ei il fyler tenius per gronda part per tudestg).

 

Apéro da Daniev ell'Ustria Steila
Bugen envidein nus puspei tut ils commembers dalla Pro Siat, tut ils habitonts da Siat e hosps da vacanzas a nies apèro da Daniev. Quel ha liug
gievgia, igl 1. da schaner 2015 dallas 16.00 allas 18.00 ell'Ustria Steila.

 

Tura da gianellas per commembers dalla Pro Siat
Sin giavisch da numerus commembers fagein nus era uonn puspei ina tura cun gianellas. Sco Vus saveis, dispona l'uniun d'in tozzel gianellas, las qualas stattan a disposiziun gratuitamein a nos commembers. Aschia drova nuot auter ch'in pör fests da skis e resti d'univern per far part a quell'occurenza. 

 

Radunonza generala 2015
La radunonza generala 2015 ha giu liug sonda, ils 21 da mars 2015. 

 

Nus lein engraziar a nos commembers, alla vischnaunca da Glion, a nos donaturs e sponsurs per lur bunaveglia e sustegn.

Cordialmein salida


lgnaz Demarmels, president Pro Siat

 


 
Ina purschida tschercada, curtgin da reiver Siat
Il pass da vacanzas dalla Pro Juventute Lumnezia porscha variaziun als affons
 
 Pro Juventute Lumnezia 3.jpg [7 KB]
Pro Juventute Lumnezia 2.jpg [7 KB]
 
In artechel ord "La Quotidiana" fenadur 2014
 
 Pro Juventute Lumnezia 1.pdf
 Pro Juventute Lumnezia 2.pdf
 

 

 
Reiver cun affons ed presentaziun da film cun Roger Schäli

 

Reiver cun affons alla preit da reiver Siat cun bien success.

26 affons cun entusiassem e lur geniturs han saviu sedelectar dil guid da muntogna ed alpinist extrem Roger Schäli. Els han saviu seprofitar d'entgins tipps en la  technica da reiver.

Cunzun la presentaziun dil film da Roger Schäli ha fatg schmarvegliar

 

 
 Surselva Artikel.pdf
 
 
Salewa Inform siat .jpg [8 KB] 

               Bien ergraziament a

               Salewa Bergsport

               Michel Sport da Muntogna

               ed

               Roger Schäli

               per il sustegn d'organisaziun.

 

 IMG_2155.JPG [6 KB] IMG_2158.JPG [7 KB] IMG_2156.JPG [7 KB]
IMG_2154.JPG [7 KB] IMG_2151.JPG [7 KB]

IMG_2153.JPG [8 KB]

   
IMG_2164.JPG [7 KB]IMG_2165 2.JPG [7 KB]
IMG_2161.JPG [7 KB]
   

 
 Tetel Romontsch.jpg [2 KB]
  
flyer_einseitig2.jpg [4 KB]

Peter McGuire
Violine

flyer_einseitig21.jpg [5 KB]
Christopher Morris Whiting
Bratsche

flyer_einseitig4.jpg [5 KB]
Benjamin Nyffenegger
Violoncello
 Per dapli infos          flyer .pdf
  
 Titel Infos.jpg [7 KB]

 

   
 Konzert Siat, 2014-12-28 (8).JPG [7 KB] Konzert Siat, 2014-12-28 (6).JPG [8 KB]Konzert Siat, 2014-12-28 (7)1.JPG [7 KB]
   
Konzert Siat, 2014-12-28 (3).JPG [7 KB]
IMG_2208.JPG [9 KB]
Konzert Siat, 2014-12-28 (10)1.JPG [8 KB]
   

  


Adressa  Pro Siat
 Via Clis 6
 CH-7157 Siat


Nos sponsurs
 
Impressum | Datenschutz | Vus essas cheu: Archiv » 2014