Rapport dalla suprastonza
Siat, Advent 2013


Cars commembers ed intressents dall'uniun Pro Siat

Onn plein success el curtgin da reiver
Nies curtgin da reiver si Grep Casti ei vegnius frequentaus fetg bein uonn. Grond plascher havein nus giu ch’el ei vegnius prius si el niev guid da reiver dil Grischun. Leu vegn el descrets sco in dils pli bials curtgins da reiver per famiglias e per entscheviders. In document da PDF cullas informaziuns necessarias sa vegnir telecargaus e squitschaus da nossa pagina d’internet. Aschia eis ei sempel da s’orientar el curtgin da reiver.


 

Gartegiau cuors da reiver per famiglias

cun Frederic Toggenburg, Marcus Michel ed Ignaz Demarmels
1. December 2013, halla da reiver Siat

 
Sco nus vein constatau duront la stad ei il sport da reiver era in sport per famiglias. Ord quei motiv havein nus organisau dumengia, igl 1. da december 2013, in cuors da reiver per famiglias a Siat ella halla da reiver. Quell’occurrenza ha anflau grond interess, e surtut ils geniturs han giu plascher da saver emprender da reiver ensemen cun lur affons.
 
 DSC01287.JPG [5 KB] DSC01297.JPG [5 KB] DSC01283.JPG [5 KB]
   
 DSC01295.JPG [5 KB] DSC01298.JPG [5 KB] DSC01289.JPG [5 KB]
   
 DSC01296.JPG [5 KB] DSC01284.JPG [5 KB] DSC01291.JPG [5 KB]
   
 DSC01293.JPG [19 KB] DSC01300.JPG [19 KB] DSC01294.JPG [19 KB]
   

 

Cronica dil vitg da Siat
Sut il tgamun dil historicher Simon Bundi e cun sustegn da Pirmin Spescha ha la suprastonza priu en mira dad edir ina cronica dil vitg da Siat. Quei ei specialmein actual cunquei che Siat appartegn naven digl 1. da schaner 2014 ensemen cun autras vischnauncas dil contuorn alla vischnaunca da Glion. Per saver garantir la finanziaziun ha la suprastonza dalla Pro Siat dumandau la suprastonza communala da tractandar per la proxima radunonza communala la damonda per sustener finanzialmein quei project. Quella tractanda ei vegnida approbada a caschun dalla radunonza dils 29 da november, aschia che nus savein entscheiver culla lavur. Nus essan perschuadi dad era saver curclar il rest dalla finanziaziun el decuors dil temps.

Tura da gianellas
Sin giavisch da numerus commembers havein nus era uonn puspei organisau ina tura da gianellas, che ha giu liuc ils 23 da fevrer.  Sco Vus saveis dispona la Pro Siat dad in tozzel gianellas, las qualas nus mettin a disposiziun gratuitamein a nos commembers. Ei drova pia nuot auter che resti e calzers d’unviern e forsa in pèr fests da skis per saver far ina tura da gianellas.

El num dalla suprastonza
Ignaz Demarmels, president

 


  
  

 Apero da Daniev ell’Ustria Steila

Igl 1. da schaner 2014 ha nies apero da Daniev giu liug tradiziunalmein ell’Ustria Steila. Per l’emprema gada ei quei succediu cun Siat sco part dalla vischnaunca da Glion, cunquei che la fusiun ensemen cun tredisch autras vischnauncas ei ida en vigur cull’entschatta 2014.

Era il marcau da Glion veva envidau ad in apéro da Daniev, aschia che era biars habitonts da Siat han dau suatientscha a quell’invitaziun ed ein serendi giu Glion suenter haver giu giavischau in bien niev onn a Siat.

La vischnaunca da Glion ei ussa tenor surfatscha la sisavel gronda vischnaunca dil cantun Grischun e dumbra rodund 5000 habitonts.

Cun in migiel vin tgietschen ed ina buna purziun risot ei vegniu fatg in viva sigl onn niev.

Neujahrsapéro Pro Siat (5).jpg [6 KB]Neujahrsapéro Pro Siat (1).jpg [5 KB]
 
   
 Neujahrsapéro Pro Siat (2).jpg [5 KB] Neujahrsapéro Pro Siat (4).jpg [5 KB] 
   
Nus lein prender la caschun e giavischar a Vus in bien niev onn e selegrein da s’entupar a Siat.
 
 

 

Concert da Nadal

Ildiko Bende – flauta traversa
Nikoleta Kocheva - orgla


Ils 28 da december 2013 ha l’uniun Pro Siat envidau ad in interessant concert en baselgia S. Flurin a Siat. La baselgia ornada festiv ei stada bein emplenida cun glieud indigena e jastra. Las duas musicantas Ildiko Bende (flauta traversa) e Nikoleta Kocheva (orgla) han entschiet lur concert cun in’ovra zun interessanta da Johann Ludwig Krebs. Silsuenter ei il publicum vegnius beneventaus per romontsch e tudestg e las musicantas ein vegnidas presentadas.

Las suandontas cumposiziuns da Carl Philipp E. Bach (il secund fegl da Bach, vegn numnaus il “Bach da Hamburg”), da G.A. Sorge, Jean Langlais e Josef Gabriel Rheinberger han menau igl auditori ella musica dil 18avel tschentaner. La gronda musicalitad e temas che serepetan adina puspei ein duas caracteristicas ch’ein dadas en egl. Cunzun la Pastorale da Rheinberger cun sias melodias plitost bassas per flauta traversa ei stada fetg adattada per la baselgia da Siat sco era pil temps denter Nadal e Daniev. Il concert ei vegnius terminaus cun sis tocs da Christopher Tambling. Igl ei stau in deletg da tedlar co Nikoleta Kocheva ha sunau differents stils da musica sin l’orgla, la regina dils instruments.

Cun in grond applaus ed in matg rosas ei vegniu engraziau alla fin dil concert allas musicantas per in concert dad aulta qualitad musicala.

 

 
Zwischenablage02.jpg [5 KB]Weihnachtskonzert_Flyer.jpg [3 KB]Zwischenablage01.jpg [3 KB]
Flauta traversa
Ildiko Bende      
dalla Ungaria 
 Weihnachtskonzert_Flyer-2.pdfOrgla 
Nikoleta Kocheva
  
dalla Bulgaria
 
 
 Pro Siat, Weihnachtskonzert 2013 (17).jpg [38 KB] Pro Siat, Weihnachtskonzert 2013 (5).jpg [8 KB] Pro Siat, Weihnachtskonzert 2013 (16)-1.jpg [37 KB]
   
 Pro Siat, Weihnachtskonzert 2013 (10).jpg [7 KB] Pro Siat, Weihnachtskonzert 2013 (7).jpg [7 KB] Pro Siat, Weihnachtskonzert 2013 (14).jpg [5 KB]
 
 
 
 Pro Siat, Weihnachtskonzert 2013 (8).jpg [7 KB] Pro Siat, Weihnachtskonzert 2013 (3).jpg [7 KB] Pro Siat, Weihnachtskonzert 2013 (12).jpg [5 KB]
   
 Pro Siat, Weihnachtskonzert 2013 (22).jpg [7 KB] Pro Siat, Weihnachtskonzert 2013 (21).jpg [7 KB] Pro Siat, Weihnachtskonzert 2013 (20).jpg [7 KB]
 
 
 
 Pro Siat, Weihnachtskonzert 2013 (18).jpg [7 KB]Pro Siat, Weihnachtskonzert 2013 (11).jpg [5 KB]
 
   

 

Gartegiau cuors da reiver per famiglias

cun Frederic Toggenburg, Marcus Michel ed Ignaz Demarmels
1. December 2013, halla da reiver Siat

 DSC01287.JPG [5 KB] DSC01297.JPG [5 KB] DSC01283.JPG [5 KB]
   
dapli maletgs
  
   

Ulteriurs cuors da reiver ein planisai la primavera 2014
per Infos pli detagliadas statt
Ignaz Demarmels
bugen a disposiziun

 


Adressa  Pro Siat
 Via Clis 6
 CH-7157 Siat


Nos sponsurs
 
Impressum | Datenschutz | Vus essas cheu: Archiv » 2013