Sguard 2012


 

Viseta dil Center sursilvan d’agricultura e dalla Sennaria a Mustér la sonda ils 27 d'october 2012
Ei ha fatg a nus grond plascher che nus havein astgau beneventar entgins commembers alla viseta dil Center sursilvan d’agricultura e dalla sennaria a Mustér.

Patricia Cabernard ha menau cun grond engaschi la gruppa tras il Center ed ha dau massa bunas informaziuns. Cun sustegn da sias quater feglias han ils envidai gudiu buna hospitalitad. Igl apéro e la degustaziun da vin ord la vegna da Roman Clavadetscher da Malans, han procurau per buna luna ed emperneivla atmosfera malgrad l’aura freida d’atun.

Il Center sursilvan d’aricultura ei ina uniun cun varga 110 commembers che meina e sustegn igl agroturissem en la regiun. Roman Clavadetscher meina il presidi dalla sennaria.

Gion A. Caminada ei staus igl architect dalla stalla e dalla sennaria.

Il bein puril dalla claustra vegn menaus da signur Scheuber. La stalla libra dat albiert a 99 vaccas (cun corna).

La sennaria ei ina societad d'aczias. Acziunaris ein ils purs dalla regiun ensemen cun las sennarias da Sedrun, Mustér e Trun.

In camiun rimna il latg dils purs, aschia che quels ston buca carrar sezs mintgamai tochen Mustér. La producziun da latg munta à 1.7 milliuns liters per onn.

La sennaria producescha mo products ord la regiun. La vendita cuntegn rodund 8 differentas sorts caschiel, petta cun péra e tuorta da nuschs.

Las distribuziuns principalas ein Emmi e Coop. La vendita directa tonscha naven da Mustér entochen Canada.

Ulteriuras informaziuns ein da retrer tier dunna Flepp, info@agricultura.ch
e Patrizia Cabernard, patrizia@miumail.ch


 
  
Pro Siat, Center Agricultura Sursilvan, 26.10.2012 034.jpg [6 KB]Pro Siat, Center Agricultura Sursilvan, 26.10.2012 011.jpg [5 KB]Pro Siat, Center Agricultura Sursilvan, 26.10.2012 007.jpg [5 KB]
 
  
 Pro Siat, Center Agricultura Sursilvan, 26.10.2012 040.jpg [5 KB] Pro Siat, Center Agricultura Sursilvan, 26.10.2012 036.jpg [7 KB] Pro Siat, Center Agricultura Sursilvan, 26.10.2012 037.jpg [7 KB]
 
  
 Pro Siat, Center Agricultura Sursilvan, 26.10.2012 041.jpg [6 KB] Pro Siat, Center Agricultura Sursilvan, 26.10.2012 043.jpg [6 KB] 
   
 Pro Siat, Center Agricultura Sursilvan, 26.10.2012 028.jpg [6 KB] Pro Siat, Center Agricultura Sursilvan, 26.10.2012 031.jpg [3 KB] Pro Siat, Center Agricultura Sursilvan, 26.10.2012 044.jpg [5 KB]
 
  

 

 


Viseta dall’ovra electrica Ladral a Vuorz, sonda, ils 18 d’uost

Sin fundament da numerusas kollisiuns da termins sin fin d’il temps da vacanzas, ed ord quella resulta da munconza da partizipaiziun, ha la suprastonza sedezidiu da tuschar quella occurenza a Ladral sin in auter termin.

Nus engraziein a nies sponsur Repower per la generusa prontadad d’execuziun da quella occurenza alla quala nus vegin bugen in’autra gada anavos.

Nus engraziein per vossa capientscha.

La suprastonza dalla Pro Siat.



 

Di da famiglia, sonda, ils 23 da zercladur

Quella sonda suentermiezdi havein nus purschiu enzatgei all’entira populaziun da Siat e contuorn. L’idea ei stada dad organisar sin Tuf in suentermiezdi cun giugs per giuven e grond. Cun ina grillada, petas, bubrondas e Musica eis ei reusseu a nus da guder quei bi gi.

 

 IMG_0662.jpg [11 KB] IMG_0654.jpg [16 KB] IMG_0657.jpg [22 KB]
 
 
 
 IMG_0655.jpg [18 KB] IMG_0663.jpg [22 KB] IMG_0658.jpg [18 KB]
   
 IMG_0645.jpg [14 KB] IMG_0650.jpg [17 KB] IMG_0651.jpg [19 KB]
   
 IMG_0652.jpg [17 KB] IMG_0648.jpg [19 KB] IMG_0653.jpg [19 KB]
   

 



 

Di da lavur cumina el curtgin da reiver, sonda, ils 9 da zercladur
Ina jamna suenter il Lions Day ei vegniu luvrau el curtgin da reiver. Nus havein selagrau da stedia participaziun ed havein saviu finir las lavurs necessarias, per ch’il curtgin da reiver seigi semtgaus per la sesiun da stad. Era eil il curtgin da reiver cumpletaus cun ina pintga senda enferrada, quei che munta per ad interim la finiziun dil project.

                                               
 IMG_0636.jpg [20 KB]

 


 

Viseta dil Lions Club a Küsnacht spel lag da Turitg, sonda, ils 2 da zercladur

                                              
Lions Club Küssnacht.jpg [6 KB]
                                         Lions_Plakat_A3.pdf

 

A caschun dil Lions Day 2012 ha la Pro Siat giu la pusseivladad da presentar nies vitg, sia populaziun e l’uniun ella vischnaunca da Küsnacht spel lag da Turitg. Theo Schaub ha representau l’uniun ella gruppa da lavur ed ei responsabels per l’occurrenza a Küsnacht. Quella ha giu liug el center dil vitg vegl dallas 10.00 entochen las 16.00.

Quella occurrenza ha dau a nus la caschun da far reclama per nossa idea e da tgirar la collaboraziun cul Lions Club e la vischnaunca da Küsnacht. Quella schanza havein nus nezegein fetg bugen.

Il Lions Club Küsnacht surpren tut ils cuosts. Il gudogn va a favur da noss’uniun e dalla casa per impedi Barbara Keller a Küsnacht, che vegn medemamein sustenida dil Lions Club.

Vid nies stan havein nus vendiu carn secca, mèl d’aviuls, cartas da Nadal fatgas a Siat, tuortas da nuschs dalla pasternaria claustrala a Mustér e caschiel dalla Sennaria Sursilvana a Mustér.
Plinavon havein nus fatg reclama per nies curtgin da reiver e per las pusseivladads da recreaziun da stad ed unviern, per nossa grondiusa natira e per il bellezia vitg da Siat ch’ei situaus unicamein en Surselva.
 
Per purtar empau pli datier alla Bassa la cultura Sursilvana havein nus schizun saviu engaschar sin invitaziun dil Lions Club ils musicants indigens Alexi e Marcus!

E per propi far gust als dalla Bassa, havein nus semtgau Capuns per degustar! Il di ei enrundaus giu cun ina concurrenza da schar sgular balluns.

 

   
Pro Siat - Lions Day 2012 015.jpg [7 KB]
Pro Siat - Lions Day 2012 011.jpg [7 KB]
Pro Siat - Lions Day 2012 010.jpg [6 KB]
 Pro Siat - Lions Day 2012 009.jpg [7 KB] Pro Siat - Lions Day 2012 008.jpg [7 KB] Pro Siat - Lions Day 2012 007.jpg [6 KB]
 Pro Siat - Lions Day 2012 004.jpg [7 KB] IMG_0618.jpg [18 KB] IMG_0616.jpg [18 KB]
 IMG_0612.jpg [18 KB] IMG_0611.jpg [15 KB] IMG_0608.jpg [21 KB]
 IMG_0607.jpg [21 KB] IMG_0606.jpg [18 KB] IMG_0604.jpg [16 KB]
   

Ord la gasetta Küsnachter Dorfpost         

 Löwen bauen Brücken.pdf
  


Radunonza generala sonda, ils 24 da mars 2012.
Nus havein giu grond plascher d’astgar beneventar numerus commembers a nossa radunonza generala en Casa Sentupada. La fidonza demussada enviers la suprastonza motivescha da s’engaschar per l’uniun ed il vitg da Siat. Ils plaids finals da nies commember e cusseglier naziunal Martin Candinas han legrau nus zun fetg.

Per Siat lein nus sengaschar,

Ignaz Demarmels, president Pro Siat.

 

 


Adressa  Pro Siat
 Via Clis 6
 CH-7157 Siat


Nos sponsurs
 
Impressum | Datenschutz | Vus essas cheu: Archiv » 2012