Briefkopf Mailings Batch.jpg [2 KB]

 

 



 
 
    Ruta da viagiar ed da scursalar a Siat
 
 
  Bildschirmfoto 2020-01-04 um 11.36.07.jpg [7 KB]    
         Ruta da Siat Tuf
        tochen Darpagaus

 
            
 IMG_2256.jpg [10 KB]IMG_2259.jpg [10 KB]
IMG_2268.jpg [10 KB]
    
  IMG_2263.jpg [11 KB]IMG_2261.jpg [10 KB]
IMG_2269.jpg [10 KB]
    
  IMG_2271.jpg [10 KB]IMG_2272.jpg [9 KB]
IMG_2273.jpg [10 KB]
    
  IMG_2276.jpg [9 KB]IMG_22751.jpg [9 KB]
 
 
 
 
 
 
 Era la Loipa da cuorsa liunga ei puspei semtgada
 
 IMG_22831.jpg [10 KB]IMG_2282.jpg [9 KB]
 IMG_2279.jpg [9 KB] 
    
 IMG_5588.jpg [9 KB] IMG_5584.jpg [9 KB] IMG_5587.jpg [9 KB] 
    
 
 
E cheu va ei tier il cuors da cuorsa liunga
 
              
 Bildschirmfoto .jpg [9 KB]              
Anmelde Formular
Langlaufkurs in Siat 2020.pdf

    
 
 

 
 
 

Rapport dalla suprastonza

Siat, Advent 2019 Preziai commembers

Cu gl‘unviern semuossa cun las empremas bresclas, stat era il temps d‘ Advent avon porta. Per l’uniun Pro Siat va il 10 avel onn da giubileum encunter la fin.
Mo grazia al sustegn ed igl engaschament dils commembers eis ei pusseivel da mantener l’activitad dall’uniun e quei sin tut ils secturs.

Fiasta da giubileum sin Tuf dils 3 d’uost 2019

Ensemen cun l’uniun da dunnas Siat havein nus festivau ils 3 d‘uost nies 10 avel onn da giubileum.
Tenor conclus dalla radunonza generala 2019 ei quella fiasta vegnida menada atras sco occasiun da cultura e remplazza aschia il concert da Nadal 2019. Per l’auter onn ei puspei planisau in concert.

Duront il suentermiezdi ein pigns e gronds affons sedeverti cun far giugs.
L’uniun da dunnas ei stada responsabla per il beinstar corporal dils hosps e ha adempliu quell’incarica cun bravura. Cordial engraziament allas dunnas per lur grond engaschi.

Per il divertiment musical ei DJ Stefan Karrer staus en acziun ed era la tombola ha gudiu in bien resun. Engraziel fetg als sponsurs per las generusas donaziuns per la tombola.
Ella bar han ils hosps schau gustar fetg las bubrondas, creadas specialmein per quella caschun.

Cuorta retrospectiva egl onn 2019

La primavera 2019 han ils responsabels da tut ils secturs, che sustegnan la suprastonza, saviu guder sco engraziament per lur engaschi duront igl onn, ina biala ed emperneivla sera ell’ustria Arca tier il Ronald.

Era nos dis da lavur cumina ein adina puspei bials e legreivels per tut ils participonts.
A tut quels che han segidau a mantener nos stabiliments lein nus admetter in cordial Dieus paghi.

Entras la lavur communabla ensemen cun la vischnaunca dad Ilanz/Glion eis ei puspei reussiu all’uniun Pro Siat da porscher als habitonts ed als hosps da lunsch e da maneivel fetg vastas pusseivladads da divertiment, sco per ex. il curtgin da reiver, la plazza da giugs, il plaz da ballapei, la loipa da cuorsa liunga e la fueina da grillar.

Da nossa infrastructura vegn fatg stedi diever ed ella vegn appreziada zun fetg.
Il schinumnadau „Tipi-Zelt“ ei suenter la revisiun puspei vegnius montaus.
Era il project „restauraziun dil stan da sittar“ havein nus saviu serrar giu. In cordial engraziament a tut ils gidonters!

Nies project „loipa da cuorsa liunga a Siat“ ei secumprovaus e l’equipa da loipa lavura cun la nova maschina da pista, ch’ei vegnida cumprada igl unviern vargau, cun gronda efficienza. Aschia sa igl unviern puspei vegnir, engraziel fetg als responsabels.

Il „ToiToi“, ch’ei staus tschentaus si igl unviern vargau sin Tuf, vegn era il proxim unviern puspei mess a disposiziun dalla vischnaunca. Engraziel pil sustegn!

Publicaziun – Agenda per 2020

Aperitiv da Daniev

Fetg bugen envidein nus vus, vossas famiglias, tut ils habitonts ed ils hosps da Siat, tier nies tradiziunal aperitiv da Daniev, che ha liug:
Mesjamna, igl emprem da schaner 2020 allas 16:00 tochen allas 18:00 uras ella stizun dil vitg Siat.

Annunzia per ina midada da suprastonza 2020

Nies actuar e „Webmaster“ Roland Carigiet ha demissiunau sin la proxima radunonza generala, che ha liug il mars 2020. Roland ha prestau duront 10 onns gronda lavur per noss’uniun e ha susteniu la suprastonza. Nus deplorein zun fetg sia demissiun e sperein d’anflar ina nova forza ch’ei promta da sengaschar e da surprender quei uffeci. Al Roland engraziein nus resentidamein per siu engaschi.

Radunonza generala 2020.

Il datum per la radunonza generala ha liug, sonda, ils 14 da mars 2020 allas 20:00 uras en Casa

Sentupada. Nus supplichein da reservar quei datum. Di da lavur cumina 2020

Il datum per il di da lavur cumina sin Tuf havein nus fixau sin ils 6 da zercladur 2020. Nus selegrein da far beinvegni a tut ils commembers ed aschia saver passentar in bi ed emperneivel di da lavur cumina en buna cumpignia.

Ei resta a nus d’engraziar cordialmein a tut ils commembers, sponsurs e benefacturs sco era alla vischnaunca dad Ilanz/Glion per il grond sustegn.
Nus selegrein gia ussa d’astgar far cun vus da Daniev in viva sigl onn niev.

Nus giavischein a vus in bi e legreivel temps d’Advent pleins da glisch e pasch e salidein vus cordialmein.

Monique Efinger, presidenta dall’Uniun Pro Siat

 

Adressa  Pro Siat
 Via Clis 6
 CH-7157 Siat


Nos sponsurs
 
Impressum | Datenschutz | Vus essas cheu: A casa